www.mardelaxe.com
Ven a descubrir o mundo do mar con Mar de Laxe.

Este contido require Adobe Flash Player. Obter Flash

Actualidade :: Novas

Gran éxito na presentación do documental “Naufraxio”

O pasado venres 21 de novembro, ás 20:30 h, presentouse no salón de actos do Concello de Laxe o documental “Naufraxio”.

Un documental centrado na representación do Naufraxio de Laxe, no que se destaca o orgullo de pertencer a unha profesión vinculada ó mar, facendo unha homenaxe a todos eses mariñeiros que un día non puideron regresar á terra.

Á presentación acudiron gran número de persoas interesadas en ver na gran pantalla ós seus achegados e veciños e gozaron de trece breves pero intensos minutos de documental.

Ademais do numeroso público, que se encheu de emoción ó contempla-las imaxes, tamén puidemos contar ca presenza de Antonio Carracedo Sacedón, alcalde do Concello de Laxe; Daniel López Montero, director e guionista do documental e Antonio Devesa, secretario da Confraría de Pescadores que pronunciaron unhas breves palabras de presentación.

Este documental foi producido por Mandeo Records cunha idea orixinal de Mardelaxe e gravouse grazas á subvención concedida pola Consellería de Pesca e Asuntos Marítimos, que mostrou, desde o primeiro momento, gran confianza no proxecto de turismo mariñeiro Mardelaxe e o apoia.

“Naufraxio” preténdese difundir en breve entre aquelas persoas interesadas en posuílo e intentarase levar ás feiras de turismo para que os posibles visitantes o visualicen no estand de Galicia, como aperitivo do que se atoparán cando se acheguen a visitarnos.

Hemeroteca: 2005 · 2006 · 2007 · 2008 · 2009 · 2010 · 2011 · 2012 · 2013 · 2014 · 2015 · 2016 · 2017 · 2018 · 2019